Threaded Mode | Linear Mode

guru_m · 11-01-2013, 05:05 PM

რუსეთის სახელმწიფო სათათბიროში სააკაშვილის სიკვდილით დასჯის მოთხოვნით გამოვიდნენ

01 November, 2013
რუსეთის სახელმწიფო სათათბიროს ”ლიბერალ-დემოკრატი” დეპუტატი რომან ხუდიაკოვი მიხეილ სააკაშვილის სიკვდილით დასჯას, ან სამუდამოდ დაპატიმრებას მოითხოვს.

”სისხლიანმა სასაკლაომ, რომლის შემოქმედიც საქართველოს ყოფილი ლიდერი გახლდათ, შედეგად მოიტანა ის, რომ ქვეყანას გამოეყვნენ აფხაზეთი და სამხრეთ ოსეთი. ამასთან, სერიოზულად გაუარესდა ურთიერთობები რუსეთთან. ეს იყო საკუთარი ხალხის გენოციდი და ნამდვილი დანაშაული კაცობრიობის წინააღმდეგ. რამდენი ოჯახი გაუბედურდა, რამდენი ადამიანი დაიღუპა და დაიჭრა, რამდენს მოუწია საკუთარი სახლი მიეტოვებინა?!” - განაცხადა ხუდიაკოვმა და იქვე დასძინა, რომ „სააკაშვილმა პასუხი უნდა აგოს ყველაფერზე, რაც ჩაიდინა“.

”ვიმედოვნებ, რომ ამ საკითხს ახალი პრეზიდენტი და პარლამენტი განსაკუთრებულ ყურადღებას მიაქცევენ. მის მიერ ჩადენილი სამხედრო დანაშაულების გამო სააკაშვილის სისხლის სამართლებრივი პასუხისმგებლობა უნდა დადგეს და მის მიმართ გამოყენებული უნდა იქნეს ყველაზე მკაცრი ზომები - სამუდამო პატიმრობა ან სიკვდილით დასჯა. ეს ადამიანი მკვლელია და სათანადოდ უნდა დაისაჯოს“ - განაცხადა პარლამენტარმა.

წყარო: http://frontnews.ge/