Threaded Mode | Linear Mode

guru_m · 10-29-2013, 06:43 PM

სომხური პრესა - საქართველოში ტაქსისტების პარტიამ გაიმარჯვა
29 ოქტომბერი 13:17

ჟურნალისტი არამ ართარა აბრაჰამაიანი საქართველოს მოქმედ, ახალ პრეზიდენტებზე და პრემიერზე ვრცელ სტატიას აქვეყნებს:

"რა ვერ გააკეთა სააკაშვილმა?-ხალხს ნებისმიერი ხელისუფლება არ უყვარს-მოსვლისთანავე სააკაშვილმა ბევრი დატოვა უკმაყოფილო. არაშორსმჭვრეტელური პოლიტიკა გაატარა რუსეთთან და სომხეთთან მიმართებაში.

სააკაშვილი ”ქართული ოცნების” კანდიდატმა გიორგი მარგველაშვილმა ჩაანაცვლა. ამომრჩევლის თვალში მისი მთავარი ღირსება ის იყო, რომ მას პრემიერი ბიძინა ივანიშვილი უჭერს მხარს.

ფაქტობრივად მარგველაშვილი ფართო აუდიტორიის წინაშე პირველად 2013 წლის აგვისტოში გამოჩნდა. წინასწარი მონაცემებით, მან ხმების 63,17% მიიღო; 21,34% აიღო ”ერთიანი ნაციონალური მოძრაობის” კანდიდატმა დავით ბაქრაძემ და 9,65% საქართველოს პარლამენტის ყოფილმა სპიკერმა ნინო ბურჯანაძემ.

ეს არჩევნები კი, ბოლო პერიოდში საქართველოში ჩატარებულ ყველაზე დემოკრატიულ არჩევნებად შეაფასეს. სენსაციად იქცა არჩევნებამდე პრემიერის განცხადება, რომ მარგველაშვილი მეორე ტურში მონაწილეობას არ მიიღებდა, რასაც პრეზიდენტობის კანდიდატი დაეთანხმა და სულელურ მდგომარეობაში აღმოჩნდა.”

სტატის ავტორს არჩევნებთან დაკავშირებით ერთი რუსეთში მცხოვრები ქართველის შეფასებაც მოჰყვას, რომელიც აღნიშნავს:

”დღეს საქართველოში ტაქსისტების პარტიამ გაიმარჯვა. იმ პარტიამ, რომელსაც მხოლოდ მოპარვა შეუძლია. მე ძალიან ვწუხვარ მაგრამ ეს ასეა. ყველა ხელისუფლებას აქვს ნაკლი, თუმცა მნიშვნელოვანია საერთო ვექტორი-დღეს საქართველომ ”საერთო ვექტორი” ნათლად აჩვენა, ეს არის-კორუფცია, ქურდობა და მექრთამეობა.”

წყარო: http://news.ge/