12 ივნისი, 2008 წელი
რუსთავი 2

საქართველოს გაზი და ნავთობი არა აქვს, თუმცა ის ინტელექტუალურ საბადოს ფლობს.

განათლება და მეცნიერება - ეს ჩვენი სახელმწიფოს მთავარი პრიორიტეტები და ფასეულობაა, - ეს განცხადება ცოტა ხნის წინ საქართველოს პრეზიდენტმა ბაქტერიოფაგის ინტისტიტუტის 85 წლის იუბილეზე გააკეთა. მსოფლიოში უნიკალური ინსტიტუტი დღესაც ინარჩუნებს მსოფლიო ინტერესს. აქ აღმოჩენილ ფაგებს არა ერთი ადამიანის სიცოცხლე გადაურჩენია, პრეზიდენტის განმარტებით, ამ სიაში თავადაც შედის.

ბაქტერიოფაგის, მიკრობიოლოგიისა და ვირუსოლოგის ინსტიტუტში გიორგი ელიავას სახელობის საერთაშორისო კონფერენცია მიმდინარეობს, რომელსაც 30 ქვეყნის 100-ზე მეტი მეცნიერი ესწრება. თბილისში იმყოფება ბაქტერიოფაგის აღმომჩენი მეცნიერის შთამომავალიც. საქართველოში ეს ინსტიტუტი 85 წელია, რაც არსებობს და ის დღემდე მსოფლიოში ერთ-ერთი ყველაზე ძლიერ მწარმოებლად რჩება.