21 მაისი , 2008 წელი
საქართველოს საზოგადოებრივი მაუწყებელი

საერთაშორისო ორგანიზაციების მიერ შექმნილი არჩევნების მედიაცენტრი დარღვევებზე პირველ ინფორმაციას ავრცელებს.

ამ დროისთვის ფიქსირდება ტექნიკური ხარვეზები და საერთაშორისო ორგანიზაციები საარჩევნო კომისიების წევრების მოუმზადებლობაზე საუბრობენ.

"ახალგაზრდა იურისტთა ასოციაციის" 600-მდე დამკვირვებელი არჩევნების პროცესს 36 საარჩევნო ოლქში აკვირდება. მათი ინფორმაციით, რიგ უბნებზე, წილისყრის პროცედურას დამკვირვებლები არ დაასწრეს.

საგარეჯოს 37-ე უბანზე, საია–ს მონაცემებით, კომისიის წევრებსა და უბანში მყოფებს შორის დაპირისპირება მოხდა. დაგვიანებით გაიხსნა თბილისში რამდენიმე საარჩევნო უბანი.

"საერთაშორისო გამჭვირვალობა – საქართველოს" ინფორმაციით, რომელიც არჩევნების პროცესს მხოლოდ ქვემო ქართლში აკვირდება, ამ დროისთვის დარღვევები დაფიქსირდა მარნეულში, ბოლნისსა და წალკაში. ბოლნისის ერთ-ერთ უბანზე ერთი და იგივე ადამიანმა ხმა რამდენჯერმე მისცა.